အလုံပိတ် အပျိုမြှေး (Imperforate Hymen) | Myanmar News Agency

အလုံပိတ် အပျိုမြှေး (Imperforate Hymen)

တစ်ချို့မိန်းကလေးငယ်တွေရဲ့ အပျိုကညာမြှေးဟာ မိန်းမကိုယ်ကို ပိတ်ဆို့စေပြီး ရာသီတစ်ကြိမ်တစ်ခေါက်မှ မလာနိုင်ဖြစ်ရပါတယ်။ အဲဒီအခြေအနေမျိုးကို Imperforate hymen (အလုံပိတ်အပျိုမြှေး)လို့ခေါ်ပါတယ်။ ဒီလိုအပျိုမြှေးဟာ မွေးရာပါဖြစ်ပါတယ်။ ဘာကြောင့်ဖြစ်လဲဆိုတာတော့ မသိကြသေးပါဘူး။

အပျိုမြှေးဆိုတာ မိန်းမကိုယ်အဝကို ပိတ်ဆို့ထားတဲ့ အမြှေးပါးလေးဖြစ်ပါတယ်။ မိန်းကလေးငယ် ကြီးကောင်ဝင်တဲ့အရွယ်အလိုက် တဖြည်းဖြည်းကျယ်လာပါတယ်။ အပျိုမြှေးဟာ ပုံသဏ္ဍာန်အမျိုးမျိုးရှိပြီး များသောအားဖြင့် လခြမ်းပုံသဏ္ဍာန်ရှိကြပါတယ်။

အပျိုမြှေးမရှိလို့ မိန်းကလေးတစ်ယောက်ကို အပျိုစင်မဟုတ်ဘူးလို့ စွတ်စွဲလို့မရပါဘူး။ တစ်ချို့မိန်းကလေးတွေမှာ မွေးရာပါ အပျိုမြှေးမပါကြလို့ပါ။

လိင်ဆက်ဆံရင်၊ အမျိုးသမီးလစဉ်သုံးဂွမ်းထုတ်သွင်းရင်၊ ကိုယ်လက်လှုပ်ရှားအားကစားလုပ်ရင် သို့မဟုတ် ရောဂါတစ်စုံတစ်ရာကြောင့် မိန်းမကိုယ်အတွင်းစမ်းသပ်စစ်ဆေးခံရဖူးရင် အပျိုမြှေးပေါက်ပြဲနိုင်ပါတယ်။

ကြီးကောင်ဝင်စအရွယ်မိန်းကလေးငယ်တွေမှာ ဓမ္မတာသွေးတစ်ခါမှမပေါ်သေးဘူးဆိုရင် အလုံပိတ်အပျိုမြှေးရှိနေနိုင်ပါတယ်။ အဲဒီအလုံပိတ်အပျိုမြှေးဟာ ဓမ္မတာသွေးဆင်းခြင်းကို ပိတ်ဆို့ထားနိုင်ပါတယ်။

အဲဒီလိုပိတ်ဆို့ခြင်းအားဖြင့် –
ဝမ်းဗိုက်အောက်ပိုင်း သို့မဟုတ် တင်ပဆုံရိုးကွင်းတစ်ဝိုက်မှာ နာကျင်တဲ့အလုံးတစ်ခုစမ်းမိခြင်း သို့မဟုတ် ပြည့်အင့်နေသလိုခံစားရခြင်း (ဓမ္မတာသွေးတွေအောက်မဆင်းနိုင်ဘဲ မိန်းမကိုယ်အတွင်းမှာ စုဝေးနေလို့ဖြစ်ပါတယ်)
ဗိုက်အောင့်ခြင်း
နောက်ကျောအောင့်ခြင်း
ဆီးသွားရခက်ခြင်း
အစာအိမ်အူလမ်းကြောင်း လှုပ်ရှားရင် နာကျင်ခြင်း
အလုံပိတ်အပျိုမြှေးရှိမရှိကို မိန်းမကိုယ်စမ်းသပ်ရုံနဲ့သိနိုင်ပါတယ်။ ဒါ့အပြင် တင်ပဆုံ အာထရာဆောင်းဓာတ်မှန်ရိုက်ဖို့လည်း ဆရာဝန်က ညွှန်ကြားကောင်း ညွှန်ကြားနိုင်ပါတယ်။

အလုံပိတ်အပျိုမြှေးကို ပြင်ဆင်ဖို့အတွက် ခွဲစိတ်မှုအသေးစားလေးလုပ်ဖို့လိုပါတယ်။ ခွဲစိတ်ပြီး ရက်အနည်းငယ်အတွင်း ပုံမှန်အတိုင်း နေပြန်ကောင်းလာမှာဖြစ်ပါတယ်။ ခွဲစိတ်မှုအသေးစားဆိုရာမှာ အလုံပိတ်နေတဲ့ အပျိုမြှေးရဲ့ အသားစတစ်ချို့ကို ဖယ်ရှားပြီး မိန်းမကိုယ်ဘက်ကို ပုံမှန်အရွယ်အစား အပေါက်တစ်ခုဖြစ်အောင် ဖွင့်ပေးလိုက်တာဖြစ်ပါတယ်။ အထဲမှာ အောင်းနေတဲ့ ဓမ္မတာသွေးအဟောင်းတွေရှိရင် ဆရာဝန်က တစ်ခါထဲဖယ်ရှားပေးမှာဖြစ်ပါတယ်။

အလုံပိတ်အပျိုမြှေးခွဲစိတ်ပြုပြင်ခြင်းကြောင့် လိင်ဆက်ဆံခြင်း၊ ကိုယ်ဝန်ယူခြင်းမှာ တစ်စုံတစ်ရာထိခိုက်မှုမဖြစ်ပေါ်နိုင်ပါဘူး။

By – ချစ်ဆွေ/MUNA

 

Comments

comments

You May Also Like

One thought on “အလုံပိတ် အပျိုမြှေး (Imperforate Hymen)

Comments are closed.